Жаңалықтарды Telegram арнамыздан оқыңыз!«Қазақстан» корпорациясы бүгін орта білім беру ұйымдары үшін басталған қашықтан оқыту жүйесінің алғашқы күнін өткізді. Оқушылардың белсенділігі интернет-ресурстардан да бірден байқалды. Таңғы 09:00-ден басталған бейнесабақтарды арна эфирінен бөлек, «Balapan» телеарнасының сайты арқылы 95 533 адам, Корпорацияның Qazaqstan.tv мобильді қосымшасы арқылы 35 373 адам тамашалаған. Ал balapantv You Tube каналынан бейнесабақтар көрсетілген 6 сағат ішінде 386 мың қаралым жасалды.
«Balapan» телеарнасының You Tube-тағы арнасына осы 6 сағаттың ішінде 29 мың адам тіркеліп үлгерді.
Сабақтар «Balapan» арнасы мен Қазақ радиосында бірдей уақытта жүреді.
Еркін СЪЕЗҰЛЫ
