Жаңалықтарды Telegram арнамыздан оқыңыз!Бірінші Азия елдері жазушыларының форумы аяқталды. Бүгін елордада қаламгерлер қауымы ауқымды іс-шараны қорытындылады. Қырыққа жуық мемлекеттен келген қатысушылар өзара пікір алмасып әдебиет әлеміндегі тың жаңалықтарымен бөлісті. Шетелдік қаламгерлер Қазақстандағы әдеби үрдістерге оң бағасын беріп, халықаралық деңгейде әріптестік орнатуға уағдаласты. Сондай-ақ алдағы уақытта Азия елдері жазушыларының қаламынан шыққан шоқтығы биік туындыларға айрықша баға беріліп, «Азия алыбы» атты әдеби сыйлығын тағайындау мәселесі пысықталды.
Ұлықбек Есдәулет, ҚР Жазушылар Одағының төрағасы:
Ортақ Азия жазушылар одағын құру деген де ұсыныстар болып жатыр. Мынау әдеби революция Қазақстаннан басталды деген әңгіме болып жатыр. Үлкен сеңнің бұзылуы деген әңгімелерді біз естіп жатырмыз.
Ербол МӘНДІБЕК
