Шымкентте жыл соңына дейін 4 балабақша, 2 мектеп ашылады

06.11.2015
Шымкентте  жыл соңына дейін 4 балабақша, 2 мектеп ашылады

Шымкентте жыл соңына дейін 320 орынды төрт балабақша мен екі мектеп пайдалануға беріледі. Білім ошақтары шаһарға жаңадан қосылған шағын аудандардан орын тепкен.

320 орынды балабақшаның бірі — Нұртас шағынауданы мен Сайрам елді мекенінен қосылған 178-орамның шекарасында орналасқан. Құны 520 млн тенгелік нысанның құрылысы осыдан бір жыл бұрын басталған. Бүгінгі таңда нысан құрылысының 95 пайызы аяқталып, бітуге жақын. Ал, көгалдандыру жұмыстары тек көктемде ғана жүргізіледі.

Ал, Бозарық шағын ауданы тұрғындарының қуанышында шек жоқ. Мұнда бірден екі білім беру нысаны бой көтерді. 320 орынды балабақша бүлдіршіндерді қабылдауға дайын. Ал, 1200 орынды мектептің құрылысы толық аяқталған.

Хабарламаларға жазылу