Ұлттық арнада – «Айтыстан үзінді»

Айтыс жанры қазақ ауыз әдебиетінде саны жағынан да, сапасы жағынан да айрықша орын алады.  Айтыстың өзіне тән ерекшелігі сол, мұнда Сәбит Мұқанов айтқандай «жаттама (трафарет) өлеңдер аз болады».

Олар өлеңді табан астында шығарады, тосыннан айтысады. Айтыс үстінде талай күтпеген жайттар да кездесіп жатады. Ақындар айтысар тақырыбы белгісіз, тосын сұрауларға тап болады. Екі ақын да бірін-бірі тығырыққа қамау үшін, бірін-бірі сүріндіру үшін, өмір құбылыстарын жұмбақ етіп те тартады.

Сол себепті де ақынның терең білімді болғаны аса маңызды. Ұлттық арнаның Алтын қорында түрлі жыр додалары сақтаулы. Солардың бірқатарын бүгін сағат 12:10-да  тамашалай аласыздар.