«Үміт оты» айдарында – жедел түрде операция жасалу қажет сәбилердің есепшоттары көрсетіліп, көрерменнен көмек беріледі. «Армандар орындалады» айдарында - ерекше өмірі, өзінің қол созған арманы бар кейіпкер көрсетіледі. Оның тұрғылықты жерінде алдын ала түсірілген қысқаша сюжет беріледі. Бейнекөріністе оның тыныс-тіршілігі, күнделікті өмірі анық көрінеді. Сюжет біткен соң, түсірілім тобы өзара ақылдасып, кейіпкерге қуаныш сыйлайтын сәтті анықтайды. Олар әрбір кейіпкердің өмір жолына қатысты өзгеріп отырады. Күтпеген жерден студияда кейіпкердің арманы орындалады.
