Әлеуметтік медиа апталығына тіркелу басталды

Әлемнің барлық қалаларын қамтитын Әлеуметтік медиа апталығына тіркелу басталды. 

Биылғы шара дүниежүзі бойынша «Келесі кезең: Әрдайым байланыстағы ұрпақ» тақырыбымен 14-18 қыркүйек аралығында өтеді.

Әлеуметтік медиа апталығы бұл - әлеуметтік және мобильдік медиа саласындағы тың тақырыптар мен тенденцияларға арналған тегін лекциялар мен семинарлар топтамасы. 

Шараны өткізушілер арасында Лондон, Майами, Роттердам, Сан-Паулу сынды ірі қалалар бар. 

Айта кетсек, жыл сайын әлеуметтік медиа апталығы аясында ұйымдастырылатын шаралар 60 мыңнан астам қатысушыны жинайды.

Ал, жарты миллионға жуық адам онлайн және мобильді технологиялар арқылы тыңдауға қатысады.