Жаңалықтарды Telegram арнамыздан оқыңыз!20 сәуір «Астана Опера» театрының Камералық залында Абай Құнанбаевтың туғанына 170 жыл толуына арналған «Абай арманы» атты концерт өтеді.
Кештің шымылдығын Қазақ хандығының құрылу тарихы жайлы қысқаметражды фильм ашады.
Аталған кеште А.Құнанбайұлының «Қақтаған ақ күмістей кең маңдайлы», «Көзімнің қарасы», «Желсіз түнде жарық ай», «Мен сәлем жазамын», «Татьянаның хаты» (А.С. Пушкиннің «Евгений Онегин» атты өлең түріндегі романы) және басқа белгілі туындылары ұсынылады.
Кеш солисі – ҚР Еңбек сіңірген әртісі Ғалия Байғазинова, концертмейстер – Гүлзада Құсайынова, жүргізушілер – «Шабыт» халықаралық фестивалінің лауреаттары Қайсар Әбдіров және Заңғар Ақаев.
Билет бағасы 1 500 теңге.
