Жаңалықтарды Telegram арнамыздан оқыңыз!1968 жылы одақ көлемінде алғашқылардың бірі болып, Қазақстанда тек қыздардан тұратын ансамбль құрылды. Ол – Қазақ мемлекеттік қыздар педагогика институтының жанынан құрылған вокалды-аспаптық «Айгүл» халық ансамблі еді.
«Айгүл» жастарды жан-жақты тәрбиелеуге, ілгері жүруге, жігерлiлікке, сұлулыққа, өмірге құштарлыққа, ұлттық музыканы сүюге, еңбекке баулыды. Тыңдаған жандарды өнерге, өмірге құштар етті»,-деп еске алады өнер ұжымының алғашқы мүшесі әрі квартеттің құрылуына бірден-бір еңбегі сіңген әнші-ұстаз Ағайша Исағұлова.
Репертуарларында қазақтың халық әндері, басқа этностардың ән-билері болды. Ансамбль гастрольдік сапармен бұрынғы одақтас республикаларды, Югославия, Германия, Франция және Жапонияны аралады.
Бүгінде ансамбльдің алғашқы мүшелері Сақыпжамал Ұзақбаева – педагогика ғылымдарының докторы, профессор, Галина Қарамолдаева, Ағайша Исағұлова – профессор, әнші-композитор, Дина Ерғалиева, Гүлнар Бегалиева, Меңсұлу Ысқақова – ғылым кандидаттары. Ал, Марфуға Жүнісова – халыққа білім беру саласының үздігі.
Талайды тамсандырып, ұлттық мәдениеттің эталонына айналған «Айгүл» ансамблінің негізгі құрамы не себепті тарады? Бүгін 21.05-те «Айтуға оңайды» көріңіз.
