Жаңалықтарды Telegram арнамыздан оқыңыз!Бүгін Астанада «Шабыт» шығармашылық сарайында Т.Теменовтің 60 жасқа толуына орай «Дарабоз» атты шығармашылық кеші өтеді.
Біздің анықтама:
Талғат Досымғалиұлы Теменов 1976 жылы Құрманғазы атындағы Алматы Мемлекеттік консерваториясының театр факультетінің актерлік бөлімін бітірген. Шығармашылық жолын Талдықорған облыстық театрының актері болып бастап, қазақ және шетел драматургтерінің шығармалары бойынша қойылған түрлі пландағы 20-дан астам рөлдерді сомдаған.
Т.Теменов 1982 жылы Мәскеудегі сценаристер мен режиссердің екі жылдық жоғарғы курсына түсіп, оны 1986 жылы ойдағыдай бітіреді. Мұнда диплом жұмысы ретінде «Торо» атты қысқаметражды фильм түсіріп, «Киев» қаласында өткен «Жастық – 86» фестивалінде «Ең үздік режиссерлық» және «Ең үздік ер адам бейнесі» үшін арнаулы жүлделерін жеңіп алады.
Т. Теменов 1986 – 1988 жылдар аралығында «Мосфильм» киносту-диясында режиссер болып қызмет етеді. Осында жүріп ол өзінің «Адамдар арасындағы бөлтірік» атты тұңғыш толықметражды фильмін түсіреді. Бұл фильм «Франтурт на Майне» қаласында өткен кинофес-тивалінде бас жүлде, Италияның Джиффони қаласындағы фестивалінде күміс жүлде, Португалияның Лиссабоне қаласындағы арнайы жүлдеге ие болды. 1986 жылғы Желтоқсан оқиғасына арналған «Қызғыш құс» фильмі Италияның Турин қаласындағы өткен фестивалінде арнаулы жүл-де алды. «Махаббат бекеті» Берлинде, Сингапур, Франция, Филиппинде өткен кинофестивальдерге қатысты.
Т. Теменов «Таң нұры» (1981 ж.), «Гүлназ» (1987 ж.) атты кітап-тардың авторы.
Т. Теменов 1990 – 1994 жылдары Т. Жүргенов атындағы театр және кино институтына басшылық етті. Осы кезеңде ол институтта кино актер-лері мен режиссерлерін дайындайтын шеберхана ашты. Бұл қазақ кино өнерінде көптеген жаңа толқынның келуіне мүмкіндігін туғызды.
Талғат Теменов кино саласында қоюшы-режиссер ретінде аз уақыттың ішінде көрермендердің құрметіне бөленіп, есімі жұртшылыққа кеңінен мәлім болды. Шығармашылық еңбегі шетелдерде де жоғары бағаланды.
1999 жылы жарыққа шыққан «Қазадан соңғы жаза» фильмінде режиссер үнемі ізденіс үстінде жүретінін, өзге ешкімге ұқсамайтын ерекше қолтаңбасы бар, шынайы суреткер екенін тағы бір дәлелдейді.
Талғат Теменов «Көшпенділер» кинофильмінің қоюшы – режиссері болды.
2005-2014 ж.ж. Талғат Теменов - Ғ. Мүсірепов атындағы қазақ мем-лекеттік академиялық балалар мен жасөспірімдер театрынының көркемдік жетекшісі – директоры қызметін атқарды.
Аталмыш театр сахнасында «Көгілдір такси», «Алма бағы» атты екі пьеса жазып, режиссер ретінде сахнаға шығарды. Соңғы пьеса түркітілдес елдердің театрлардың IV-Халықаралық фестиваліне «қазақ халқының ұлттық дәстүрі мен аға ұрпақтың мұратын қадірлегені» үшін атты арнаулы марапатқа ие болды.
1986 жылы Т. Теменов Ленин комсомолы сыйлығының лауреаты атанды.
1993 жылы Ұлттық өнерді дамытуға сіңірген еңбегі үшін «Қа-зақстанның Халық әртісі» атағын алды.
2005 жылы Қазақстан Республикасының Президентінің Жарлығымен «Құрмет» орденімен марапатталды.
Шыңғыс Айтматов атындағы халықаралық сыйлықтың иегері.
2014 жылдан Астана қаласы әкімдігінің Қ.Қуанышбаев атындағы Мемлекеттік академиялық қазақ музыкалық драма театрының көркемдік жетекшісі болып тағайындалды.
Сурет: kapital.kz
