Елордада «Астана-Мерей» байқауы өтеді - «Qazaqstan» Ұлттық телеарнасы

Елордада «Астана-Мерей» байқауы өтеді

03.12.2014
Елордада «Астана-Мерей» байқауы өтеді

ҚР Білім және ғылым министрлігінің «Дарын» республикалық ғылыми-практикалық орталығы Қазақ Ұлттық өнер университетімен бірлесіп, Астанада Х «Астана-Мерей» халықаралық жас орындаушылар байқауын өткізеді. Дода 8-12 желтоқсан аралығында ұйымдастырылмақ. Бұл туралы ҚазАқпарат хабарлайды.

Байқау жеңімпаздары дипломдармен марапатталып, Қазақстанның жоғары музыкалық оқу орындарының грантына ие болады.

Мақсат - музыка өнері саласындағы дарынды балаларды анықтау, жас орындаушылардың орындаушылық шеберлігін арттыру және шығармашылық әлеуетін дамыту.

Айта кетейік, жас орындаушылар байқауына 10-16 жас аралығындағы оқушылар: «Ағаш үрлемелі аспаптары» және «Мыс үрлемелі және соқпалы аспаптары» аталымдары бойынша қатыса алады.

Хабарламаларға жазылу