Алматы-Өскемен бағытында жаңа жүрдек пойыз іске қосылды

Бүгін «Жолаушылар тасымалы» АҚ «Алматы-2 – Защита» (Өскемен қаласы) бағытында жаңа жүрдек пойызын іске қосты, деп  хабарлайды компанияның баспасөз қызметі.

Пойыз 23 вагоннан құралған. Екеуі «Гранд», екеуі «Бизнес», 14-і «Турист» санатындағы вагондар. Сондай-ақ, мейрамхана, бар және 3 техникалық вагон бар.

Отандық «Тұлпар-Тальго» зауытында шығарылған вагондардан құралған құрам күнара қатынайтын болады.

«Өскемен қаласына дейінгі  жол жүру  уақыты – 17 сағат 45 минутты құраса, кері  бағытта – 17 сағат 08 мнутты құрайды», делінген  хабарламада.