Жаңалықтарды Telegram арнамыздан оқыңыз!Ертең Астанада сағат 18.00-де «Конгресс-Холл» сарайында Батыс Қазақстан облыстық қазақ драма театрының ұжымы «Мәңгілік елдің Алтын адамы» атты қойылымды елорда тұрғындарына ұсынады.
Бұл шара Батыс Қазақстан облысының Астанадағы күндері аясында өтеді.
Шығарманың авторы - белгілі ақын, драматург, Мемлекеттік сыйлықтың иегері Иран-Ғайып (Иранбек Оразбаев).
Туындының қоюшы режиссері - Қазақстанның еңбек сіңірген әртісі, «Құрмет» орденінің иегері Мұрат Ахманов.
Басты рөлдерде Бақытжан Өтеғалиев, Хорлан Шамелова, Нұрлыгүл Жұбатова ойнайды.
Драмалық шығармаға елдің бірлігі мен ынтымағы, халықтың арман-тілегі арқау болған.
