Жаңалықтарды Telegram арнамыздан оқыңыз!Биылғы оқу жылында Астана қаласындағы жалпы білім беру мектептеріне 303 жас маман жұмысқа қабылданды. Бұл туралы Астана қаласы әкімдігінің баспасөз қызметі хабарлады.
Соңғы бес жылда 1 464 педагогтың еңбегі жоғары бағаланып, 96 мұғалім төсбелгімен, 103-і мемлекеттік сыйлықпен, 108-сі ҚР БҒМ құрмет грамотасымен және алғыс хатымен, 94-і қала әкімінің Алғыс хатымен, 1 063 Білім басқармасының грамотасымен марапатталған.
Сондай-ақ, Ұстаздар күнін мерекелеу аясында Астанада оқушылар арасында «Мұғалім - оқушылардың көзімен» тақырыбында фотосуреттер байқауы өтті.
Шараның мақсаты - қоғамдық санада, балалар мен жастар ортасында мұғалімдердің адамгершілік идеалын қалыптастыру, жастар арасында педагогика мамандықтарының беделін арттыру, ұрпақтар сабақтастығын нығайту.
Жеңімпаздар фотосуреттер Ұстаздар күніне орайластырылған шара қарсаңында өткізілетін көрмеге қойылады.
Сурет: astana.gov.kz
