Үндістан: Автобус ішінде газ баллоны жарылып, 11 адам қайтыс болды

Үндістанның Уттар-Прадеш штатындағы Буландшахар округінде автобус ішінде газ баллоны жарылды. Соның салдарынан 11 адам қаза тауып, 100-ге тарта адам зардап шекті, деп хабарлайды ҚазАқпарат.

Айта кетейік, көлік адамға лық толы болған. Кейбірі тіпті оның төбесінде отырған. Жолаушылардың бірі газ баллон әкеле жатқан. Аяқ астынан тұтанған баллон жарылып кеткен.

Зардап шеккендердің көбін ауыр дәрежедегі күйік шалған.