Жаңалықтарды Telegram арнамыздан оқыңыз!Астанада ҚР Ұлттық музейінің бастамасымен өткізілген «Ұлттық мұра» автошеруі өз мәресіне жетті.
«Ұлттық мұра» автошеруі «Мәдени мұра» мемлекеттік бағдарламасының 10 жыл толуына және ҚР Ұлттық музейдің ашылуына орай ұйымдастырылды.
Жобаның мақсаты – республиканың музей қызметкерлерін біріктіру және олардың күшімен мемлекеттік бағдарламаны одан әрі жүзеге асыру.
Алғашқы автошеру аясында қатысушылар Алматы-Тараз-Шымкент-Түркістан-Қызылорда-Жезқазган-Қостанай-Көкшетау-Астана бағытында Қазақстанның Оңтүстік және Орталық аймақтарындағы мәдени-тарихи нысандар мен облыстық музейлерді аралады. Ұлттық музей жобасы үш жылға арналған. 2015-2016 жж. автошеру еліміздің Шығыс, Батыс және Солтүстік аймақтарын қамтитын болады.
ҚазАқпарат
