Жаңалықтарды Telegram арнамыздан оқыңыз!Ақын, «Шалқар» радиосының Бас редакторы Серік Сейітманның «Қарашаңырақ» атты кітабы жарық көрді.
Туындының тұсаукесер рәсімі 25 қыркүйек күні, сағат 11:00-де ҚР Ұлттық академиялық кітапханасында өтпек.
Ақынның бұған дейін «Қырсық қызға қолтаңба», «Қазақтың қаны» атты жыр жинақтары жарық көрген.
Біздің анықтама:
Серік Сейітман 1982 жылы 6 қаңтарда дүниеге келген. Қ.А.Яссауи атындағы Халықаралық қазақ-түрік университетін, әл-Фараби атындағы Қазақ Ұлттық университетін тәмамдаған.
2006 жылдың қаңтарынан Қазақ радиосында редактор-жүргізуші, «Руханият» бас редакциясы Бас редакторының орынбасары, «Әдеби-саз» редакциясының шолушысы қызметтерін атқарып келді.
2014 жылдың ақпан айынан бастап, «Шалқар» радиосының Бас редакторы қызметінде.
Халықаралық «Шабыт» фестивалінің І дәрежелі лауреаты; Төлеген Айбергенов атындағы сыйлықтың лауреаты; 2007 жылы Баянауылда өткен жас қаламгерлердің республикалық тұңғыш форумында Көтеш Райымбекұлы атындағы сыйлықты иеленді.
