Нанкин-2014. Қола медаль иегері – Жасұлан Қалиев

Қытайдың Нанкин қаласында өтіп жатқан екінші жасөспірімдер Олимпиадасында қазақстандық ауыратлетші Жасұлан Қалиев 77 келі салмақ дәрежесінде қола медальді жеңіп алды.

Бұл медаль Қазақстан спортшыларының үлесіндегі екінші жүлде. Айта кету керек, дзюдошы Бауыржан Жауынтаев жарыстың алғашқы күнінде 55 келі салмақта алтын медальді ұтып алған болатын.

Жасұлан Қалиев Ақмола облысы, Степногорск қаласындағы облыстық спорттағы дарынды балаларға арналған мамандандырылған мектеп-интернатта тәрбиеленеді.

Ол өзінің бапкері С.П. Шевченокның қарамағында жаттығады. Оның бірінші бапкері Қанат Ермағанбетов.