Нанкин - 2014. Боксшы Абылайхан Жүсіпов Олимпиада чемпионы атанды

Қазақстандық боксшы Абылайхан Жүсіпов қытайдың Нанкин қаласында өтіп жатқан  жасөспірімдер арасындағы ІІ Жазғы Олимпиаданың алтын жүлдегері атанды. 60 келі салмақтағы боксшымыз финалда  кубалық Алена Лимонтем Будені жеңді.

Естеріңізге сала кетейік, осыған дейін дзюдошы Бауыржан Жауынтаев Олипиаданың «алтын» алған болса,  ауыр атлетшіміз Жасұлан Қалиев пен Татьяна Капустина және палуан қыз Евгения Поливадова қола медаль иеленген болатын.