2017 жылға дейін Астанада 228 тұрғын үй бұзылады - «Qazaqstan» Ұлттық телеарнасы

2017 жылға дейін Астанада 228 тұрғын үй бұзылады

09.08.2014
2017 жылға дейін Астанада 228 тұрғын үй бұзылады

2017 жылға дейін Астанада бұзылуға жататын тұрғын үйлер тізіміне 1940 жылдан 1970 жылға дейін салынған 228 үй кірген.

Бұл үйлердің негізгі құрылыс конструкциялары мен инженерлік желілері әбден тозғандықтан, апатты дәрежеде саналады. 

Бұл туралы қалалық әкімдіктің баспасөз қызметі хабарлады.

Биыл 31 үй немесе жалпы ауданы 17,5 шаршы метр 463 пәтер бұзылады. Оның 19-ы Сарыарқа ауданындағы Тілендиев, Гете және басқа да көшелердің бойында орналасқан.

Ал, 12 үй Алматы ауданындағы Кенесары, Бейсекбаев және Тархан көшесінде орналасқан.

Апатты үйлердің тұрғындары иеленетін жаңа тұрғын үй бұзылатын пәтердің шаршы метріне сәйкес келеді.

Айта кетейік, Астанадағы апатты үйлерді бұзу  «Қолжетімді тұрғын үй-2020» бағдарламасы аясында жүзеге асырылуда.

 Жоспар бойынша 2017 жылға дейін бұзылатын 228 апатты үйдің орнына жаңа тұрғын үй кешендері мен басқа да нысандар салынады. Ал, 3519 отбасы жаңа пәтерлерге көшіріледі.

Хабарламаларға жазылу