![Ата-ана қамқорлығынсыз қалған 79 түлекке әкімнің гранты табыс етілді](https://cdn.qazaqstan.tv/old/articles/3/article_38235.jpg?w=928&h=522&format=jpg&resize=aspectfill&g=center)
Бүгін Оңтүстік Қазақстан облысы әкімінің орынбасары Сәкен Қаныбеков жетім және ата-ана қамқорлығынсыз қалған 79 түлекке облыс әкімінің оқу грантын табыстады. Бұл туралы облыс әкімдігінің баспасөз қызметіне сілтеме жасап, ҚазАқпарат хабарлады.
Оңтүстік Қазақстан облысында биылғы оқу жылында 230 жетім және ата-анасының қамқорлығынсыз қалған балалар бітірген (37-сі балалар үйлерінің түлектері).
Олардың 79-ы облыстағы жоғары оқу орындарына, 130-ы колледждерде оқуға ниет білдірсе, 16-сы еліміздің өзге өңірлерінде білім алуға ықылас танытып отыр. Ал, қалған 5 түлек жұмысқа орналастырылған.
«Жастардың жарқын болашаққа деген үмітін өшірмей, оларға қамқорлық танытқан облыстағы 11 жоғары оқу орындарының басшылары ата-ана жылуын сезінбеген балаларды тегін оқыту туралы шешім қабылдады», - делінген баспасөз хабарламасында.
Салтанатты шараны қорытындылаған облыс әкімінің орынбасары С.Қаныбеков түлектерге сәттілік тілеп, егемен еліміздің түрлі салаларында еңбек ететін білікті маман болып шығуларын аманаттады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ата-ана қамқорлығынсыз қалған 79 түлекке әкімнің гранты табыс етілді&mh_tags=Qazaqstan&mh_page=https://qazaqstan.tv/news/87908/)