Жаңалықтарды Telegram арнамыздан оқыңыз!Солтүстік Қазақстан облысында Есіл өзені суы деңгейінің көтерілуінен республикалық маңыздағы Челябі - Новосібір автожолының бір бөлігін (Петропавл маңындағы Заречное ауылының маңында 528 шақырымда) су басты, деп хабарлады аймақтық Төтенше жағдайлар департаментіне сілтеме жасап, «ҚазАқпарат».
«Су басқан жердің ұзындығы - 20 метр, ал судың тереңдігі - 20 см құрады. Жол жабылып, жол полициясы бекеттері қойылды. Заречное кенті арқылы айналып өтетін жол істелді», - деп жазылды хабарламада.
Төтенше жағдайлар департаментінің хабарлауынша, Петропавлдың өзінде тұрғын үйлерді су басу фактісі тіркелмеген. 23 сәуірде облыс орталығындағы Есіл өзенінде су деңгейі көтеріледі деп күтілуде. Ол 10-15 күнге созылуы мүмкін.
