Түркі академиясы мен ТүркПА басшылығы меморандумға қол қойды

29.04.2014
Түркі академиясы мен ТүркПА басшылығы меморандумға қол қойды
Түркі академиясы мен түркітілдес елдердің Парламенттік ассамблеясы (ТүркПА) ынтымақтастық меморандумын бекітті. Маңызды құжатқа ТүркПА-ның Бас хатшысы Жандос Асанов пен Түркі академиясының президенті Дархан Қыдырәлі қол қойды.
 
Соңғы кездері түркітілдес елдердің интеграциясы жаңа бір белеске көтерілді. Бұл ретте түркі әлемінің көшбасшысына баланып отырған Қазақстан Президенті Нұрсұлтан Назарбаевтың рөлі ерекше.
 
Жоғары да аталған екі институт  тікелей Елбасы ұсынысымен құрылып, қазір қарқынды жұмыс істеуде. Түркия, Қазақстан, Әзірбайжан және Қырғыз Республикасы Парламентінің депутаттары мүше ТүркПА ұйымы түркітілдес елдердің заң шығару саласындағы ынтымақтастығын арттыра түсті.
 
Ал Түркі академиясы болса, тұтас түркінің өткенін зерделеп, бүгінгісін бағамдап, болашағын бағдарлауға кірісті.

Хабарламаларға жазылу