Басты Жаңалықтар Қазақстанда зейнетақы қорлары БЖЗҚ-ға біріктірілді

Қазақстанда зейнетақы қорлары БЖЗҚ-ға біріктірілді

31.03.2014 04:01

Қазақстандағы зейнетақы қорлары «Бірыңғай жинақтаушы зейнетақы қоры» АҚ-на біріктірілді. Бұл туралы бүгін қордың басқарма төрағасы Руслан Ерденаев мәлімдеді деп хабарлайды Tengrinews.kz.

Әрбір салымшының жинағы (инвестициялық табыс пен салымдарын қосқанда) Бірыңғай жинақтаушы зейнетақы қорына аударылған. Қазіргі уақытта еліміздегі барлық зейнетақы қорының клиенттері Бірыңғай жинақтаушы зейнетақы қорының салымшысы саналады.

Бірыңғай жинақтаушы зейнетақы қорының бірыңғай автоматтандырылған салымшылар базасында жеке зейнетақы есебі ашылып, мұнда барлық клиенттердің зейнетақы жинағы аударылған. Әзірге тек қана техникалық сәттерін реттеу ғана қалған. Дегенмен салымшылар өздерінің жинақтары жөніндегі ақпаратты және жекелей зейнетақы қорындағы көшірмесін ала алады.

Бірыңғай жинақтаушы зейнетақы қорында 2,438 миллион жеке зейнетақы шоты есебі ашылған. Оның ішінде міндетті түрде зейнетақымен қамтамасыз ету келісімі бойынша – 2,436 миллион, ерікті түрде зейнетақымен қамтамасыз ету келісімі – 1 537, ерікті түрде кәсіби қамтамасыз ету келісімі – 4.

«Барлық зейнетақы жинақ қорларындағы зейнетақы акивтері мен міндеттерін біріктіру нәтижесінде Бірыңғай жинақтаушы зейнетақы қорында салымшылардың жеке зейнетақы есебі барлық түрдегі 9,7 миллион келісімді құрады. Ал зейнетақы жинағы – 3,9 триллион теңгеден асты», - деп атап өтті Руслан Ерденаев.

Бөлісу