Басты Жаңалықтар «Театр көктемі-2014» фестивалі өтеді

«Театр көктемі-2014» фестивалі өтеді

14.03.2014 08:35

18-21 наурыз күндері Алматыда «Театр көктемі-2014» фестивалі өтеді. М.Әуезов атындағы Қазақ мемлекеттік академиялық драма театрының дәстүрлі жаңа қойылымдарының биылғы фестивалі – КСРО Халық әртісі Сәбира Майқанованың 100 жылдығына арналады.

Жыл сайын наурыз мерекесі мен Халықаралық театр күні қарсаңында өткізілетін дәстүрлі өнер мерекесі күндері төрт спектакль көрсетіліп, сарапқа салынады.

Фестиваль шымылдығын Р.Отарбаевтың «Бейбарыс Сұлтан» тарихи драмасы ашады. Сонымен қатар, шара барысында С.Майқанованың 100 жылдығына арналған суретті көрме, О.Таңсықбаев атындағы Алматы сәндік-қолданбалы өнер көркемсурет колледжі студенттерінің көрмесі ашылады.

«Сахна өнері: бүгіні мен болашағы» атты халықарлық ғылыми-тәжірибелік конференциясы да осы фестиваль аясында ұйымдастырылмақ.

Сондай-ақ, бұл күндері «Апалы сіңілілі үшеу» драмасы, «Қас-қағым» метафизикалық трагедиясы және «Таңсұлу» спектаклі көрермен назарына ұсынылады.

Театр ғимараты алдында Наурыз мерекесіне орай ұлттық дастархан мәзірі, наурыз көже жасалып, ұлттық ойындар ойнатылады.

Бөлісу