Басты Жаңалықтар «Алдағы бес жылда Қазақстан экономикасы қарыштап дамиды»

«Алдағы бес жылда Қазақстан экономикасы қарыштап дамиды»

21.02.2014 11:00

Әзірбайжан мемлекетінде өткен «Көріпкелдер сайысы» 7-маусымының жеңімпазы Камрян Самедов «Таңшолпанда» қонақта.

«Менің көріпкелдік қасиетімді алдымен ата-анам байқады. Кішкентайымда басқа балалардан өзгеше болыппын. Өзімді алғаш рет 16 жасымда сынап көрдім. Сол кезде 1000 адамның ішінен жеңімпаз атандым», дейді ол.

«Көріпкелдігім жеке өміріме кедергі келтірмейді. Алайда, біреу тосынсый жасағысы келсе, алдын ала сезіп отырамын. Бірақ, ол адамға білдіртпеуге тырысамын. Ал, алыс сапарға шығарда, жолда болатын қауіп-қатерді сеземін».

Көріпкел Камрян Самедов Қазақстанның дамуы туралы «Алдағы бес жылда ел экономикасы қарыштап дамиды. Бейбітшілік орнаған тәуелсіз елді көріп тұрмын. Астана одан әрі көркейе түседі. 2020 жылы бұл қалада бүкіл әлем бас қосатын үлкен іс-шара өтеді», дейді.

Сондай-ақ, ол тікелей эфирге хабарласқан тыңдарманның өмірі туралы баяндап берді.

«Экстрасеонсориканы жіліктеп түсіндіру өте қиын. Оны ғылыми тұрғыдан да ешкім дәлелдей алмады. Бұл қабілетті Жаратқанның өзі дарытады»,- дейді ол.

Бөлісу