Жаңалықтарды Telegram арнамыздан оқыңыз! Қазақстандық онсайысшы Дмитрий Карпов Гуанчжоуда өткен Азия чемпионатында жеңімпаз атанды.
«Жарыстың соңына дейін жеңімпаздың есімі белгілі болмады. 1-2 кезеңде жоғары нәтиже көрсете алмадым. Дегенмен соңғы 1000 метрлік қашықтықа жүгіруде жапониялық спортшыны артта қалдырып, жеңіске жеттім», - дейді ол.
Спортшы жазда Кореяда өтетін Азия ойындарында дайындық үстінде. Бұл спортшы үшін осы маусымдағы негізі сайыс болмақ.
«Азия ойындарының нәтижесін күтеміз. Егер нормативті орындасам, келесі Олимпиада ойындарына қатыса аламын. Рио-Де-Жанейрода ел намысын қорғауды қалаймын», - дейді спортшы.
Естеріңізге сала кетейік, 32 жастағы Дмитрий Карпов 2004 жылы Афинадағы Олимпиада ойыдарында қола медаль жеңіп алды.
