Жаңалықтарды Telegram арнамыздан оқыңыз!Қарағанды облысының әкімі Бауыржан Әбдішев Twitter әлеуметтік желісінен аккаунт ашты. Қазнет қолданушыларының айтуынша, Әбдішев Twitter-ді пайдаланушы облыс әкімдерінің алғашқыларының бірі.
Әзірше Бауыржан Түйтеұлының төрт твиті, 263 оқырманы бар. Әкімнің әлеуметтік желідегі алғашқы жазбасы 2 ақпан күні жарияланды. «Қадiрлi Отандастар! Сіздермен осы желіде қауышқаныма қуаныштымын. Ортақ мүдде төңірегінде ой бөлісіп, пікір алмасамыз деген ойдамын» делінген онда.
Бұған қоса аймақ басшысы облыстың 2013 жылғы әлеуметтік-экономикалық даму қорытындысын шығарғанын, 2014 жылға қойылған міндеттерді хабарлады. Сондай-ақ, Геннадий Головкинді жеңісімен құттықтады.
