Стивен Сигал губернатор болуға ниетті

Әйгілі америкалық актер Стивен Сигал Аризона штатының губернаторы сайлауына қатысуы мүмкін. Бұл туралы Голливуд жұлдызы KNXV-TV-ға берген сұхбатында мәлім еткен.

Жеңіске жеткен жағдайда ол АҚШ шекарасын қорғау және жұмыс орындарын құру мәселелеріне көңіл бөлгісі келетінін атап өткен.

Сигалдың пікірінше, шекараның дұрыс қорғалмауы терроризм мәселесінің өршуіне әкеп соқтырады. «Егер шекара қауіпсіздігі болмаса, сізде мемлекет те жоқ», - деді актер.