Шығыс Қазақстанда 4 бала менингитке шалдыққан

Шығыс Қазақстанда бес айда 4 бала менингококк инфекциясын жұқтырған. Оның бірі мектеп оқушысы болса, үш бала бүлдіршін. Мамандардың айтуынша, 2009-2011 жылдар аралығында жылына он шақты адам осы ауруға шалдыққан. Былтыр 7 оқиға тіркелген.  Ал, осы жолы менингитті жұқтырған балалардың жағдайы ауыр болғанымен, қазір денсаулықтары жақсы. Науқас балалармен қарым-қатынаста болған 90-ға жуық адам медициналық тексеруден өткен. Дәрігерлер «бұл қалыпты жағдай», - дейді. Алдын алу шаралары белсенді жүргізілуде.

Райфа Сафиоллинова, ШҚО Денсаулық сақтау басқармасы басшысының орынбасары:

- ШҚО-да менингит ауруына қарсы поливалентті вакцина бар. Оны тұрғындар қаладағы №2 ауруханадан ала алады. 

Айдана ДАЙЫРОВА