Жаңалықтарды Telegram арнамыздан оқыңыз!Атырау облысының Махамбет ауданына қарасты Алға ауылында жаңа емхана пайдалануға берілді. Бұл - ауданға биыл салынуы тиіс төрт емхананың біріншісі. Халық игілігіне берілген емхана бірінші кезекте дәрігерлік көмек көрсетуге арналған.
Сонымен бірге, мұнда егу бөлмесі, заманауи құралдармен жабдықталған зертхана, жүкті әйелдерге кеңес беру кабинеті бар.
Тағы бір айта кететін жайт, ауылда дәрігерлерге арнайы баспаналар да салынуда. Осылайша, өңірдегі шалғай ауыл тұрғындарына сапалы дәрігерлік көмек көрсету мәселесі шешімін таба бастады.
Батырбек ҚУАНДЫҚҰЛЫ
