Басты Жаңалықтар Диагнозы дұрыс қойылмаған бала есінен танып қалған

Диагнозы дұрыс қойылмаған бала есінен танып қалған

09.01.2014 08:30

Павлодар қаласындағы ауруханалардың бірінде екі жасар қыз бала бүгін бесінші күн ес-түзсіз жатыр. Ол бұнда облыстың шалғай елді мекенінен әкелінді.

Екі жасар Меңсұлу алдымен Қашыр аудандық ауруханасына түскен. Жедел жәрдем көлігіне өзі мініпті. Бірақ дәрігердің алғашқы көмегінен соң сәбидің халі күрт нашарлайды. Тіпті есінен танып қалған.

Расима Шекенова, анасы:

Асқазаның шайғаннан кейін бала қатты жылай бастады. Бірден іші кеуіп, ісе бастады. Кезекші дәрігер сипап көріп, неліктен сонша жұмсақ деп сұрады. Сөйтіп аз уақыттың ішінде қол-аяғы тартыла бастады.

Ес-түссіз қалған сәби облыс орталығына санитарлық авиация арқылы жеткізілді. Анасының айтуынша ол туғаннан бері дәрігердің бақылауында болған. Яғни, әлжуаздау болса керек. Нақты диагнозын анықтап алмай ем қолданудың арты тіптен насырға шабатын түрі бар.

Гүлсара Тампишева, облыстық балалар ауруханасы бас дәрігерінің орынбасары:

Баланың жағдайы өте ауыр. Дәрігерлер оның жанын аман сақтап қалу үшін барлық мүмкіндікті жасауда. Уланудың себептері белгісіз.

Болат АМАНБАЕВ

Автор

Болат Аманбаев

Бөлісу