Астанада колледж мұғалімдері арасында «Үздік оқытушы-2018» жүлдегері анықталды

Техникалық және кәсіптік білім беру ұйымдарының педагогтары қатысатын қалалық байқау жыл сайын өткізіледі. Биыл білім сайысында 11 ұстаз бақ сынады. Оның алтауы қорытынды кезеңге өтті. Педагогтар өз жұмыстарын таныстырып, үздік тәжірибелерімен бөлісті.

Айта кетейік, елімізде 824 техникалық-кәсіптік білім беру ұйымы бар. Онда 5 мыңнан аса оқытушы еңбек етеді.

Қаламқас Алғазинова, ҚР БҒМ Техникалық және кәсіптік білім беру департаменті басқармасының басшысы:

Қатысатын педагогтар өздерінің инновациялық технологияларын көрсетеді. Осындай байқаулар техникалық-кәсіптік білім жүйесінің сапасын көтереді.

Ардақ МҰРАТҚЫЗЫ