Жаңалықтарды Telegram арнамыздан оқыңыз!Үш жыл ішінде үш ауысымды мектептердің мәселесі шешіледі. Бұл туралы орталық коммуникациялар қызметіндегі брифингте Білім және ғылым вице-министрі Есенғазы Иманғалиев мәлімдеді.
Қазір, еліміздің 99 мектебінде сабақ үш ауысымда өтеді. 136 мектеп апатты нысандар қатарында.
Ұлттық қордан қордаланған мәселелерді шешу үшін алдағы үш жыл ішінде 62 миллиардқа таяу қаржы бөлінеді. Еліміздің 12 аймағында осы қаражатқа 73 білім ордасы салынады.
Бұдан бөлек, республикалық және жергілікті бюджет есебінен бірқатар мектептің құрылысы жүзеге аса береді.
Мектепке дейінгі білім жүйесінде де бала-бақша тапшылығы сезілуде. 8500 мектепке дейінгі білім беру нысандарынада, 727 мыңнан астам бала тәрбие алуда.
