Жаңалықтарды Telegram арнамыздан оқыңыз!
Ұлттық бірыңғай тестілеудегі орташа көрсеткіш - 73 балл. 218 оқушы халықаралық және республикалық олимпиадаларда жеңімпаз атанып, сынақтан босатылды.
Сондай-ақ, 300-ге жуық үміткерден 155 жеткіншек білімін дәлелдеп, «Алтын белгі» иегері атанды. Былтыр бұл көрсеткіш едәуір төмен болған.
Талдықорғанда «Алтын белгі» иегерлеріне салтанатты түрде құрмет көрсетіліп, төсбелгілерін облыс әкімі Аңсар Мұсаханов табыстады.
Арманы асқақ, мақсаты биік қыз-жігіттер ата-ана мен ұстаздар үмітін ақтап, сапалы білім алып, мемлекеттің гүлденуі үшін қызмет етуге уәде етті.
Ақмарал Ахметжанова, «Алтын белгі» иегері:
Бүгін мен өмірімдегі ең бақытты да қуанышты сәтті басымнан өткеріп тұрмын. Себебі, мен «Алтын белгі» иегері атанып, ұстаздарымның, ата-анамның үмітін ақтадым. Маған барлық есік айқара ашылды. Ол - Елбасымыздың Қазақстан жастарына көрсеткен қолдауының нәтижесі.
Абат Ерназаров, «Алтын белгі» иегері:
Қазақстанның желбіреген көк Туының астында болашаққа үміт артып отырған Нұрсұлтан Әбішұлы Назарбаевқа уәде береміз. Біз Қазақстанды өрлете береміз!
Қуаныш ҚАНАТҰЛЫ
