Қысқы Олимпиадаға тура 100 күн қалды

Бүгіннен бастап есептегенде, Қысқы Олимпиаданың басталуына тура 100 күн қалды. 2018 жылғы ойындар Оңтүстік Кореяның Пхенчхан қаласында ақпанның 9-да ашылады. Кеше Ақ Олимпиаданың алауы Афинада Корея өкілдеріне табысталды. Бүгін ол Пхенчханға жеткізілуі тиіс. Онда 2018 шақырымдық алау эстафетасына 7 жарым мың спортшы қатысып,  елдің 17 қаласы мен провинциясы арқылы жүріп өтеді.

Пхенчхан Солтүстік Кореямен арадағы шекарадан 80 шақырым жерде орналасқан. Олимпиада ұйымдастырушылары Солтүстік Корея мен АҚШ арасындағы ядролық дау Қысқы ойындардың өтуіне ықпал етпейді деп мәлімдеді. 

Арай ТӨЛЕГЕНҚЫЗЫ