Басты Жаңалықтар Шымкентте «Мәңгілік даңқ» шеруі ұйымдастырылды

Шымкентте «Мәңгілік даңқ» шеруі ұйымдастырылды

09.05.2014 05:30

Айнұр Ақбаева, тілші:

Жеңіс мерекесі оңтүстікте де өз дәрежесінде аталып өтуде. Таңертеңнен басталған кең көлемдегі іс-шаралар қазіргі уақытта да жалғасып жатыр.

Қан майданда от кешіп, қаза тапқан жауынгерлердің ұрпағы бүгін таңертең Шымкентте «Мәңгілік даңқ» шеруін ұйымдастырды. Соғыстан оралмаған боздақтардың суреттері мен аты-жөндері жазылған тақтайшаларды алып шықты.

Пердеш Есенбеков, Мақтарал ауданының тұрғыны:

Біздің отбасымыздан, Шомановтар әулетінен екі бірдей азамат соғысқа аттанып, соның бірі оралмады.

ІІ Дүниежүзілік соғысқа Оңтүстік өңірінен 140 мыңнан астам жауынгер аттанса, солардың жартысынан астамы қайтып оралмаған.

Зәуре Оралбаева, шеруді ұйымдастырушы:

Із-түзсіз жоғалғаны бар, осындай бейбіт өмірді көре алмағаны бар, тіпті соңында ұрпағы қалмағандар қаншама.

Бұдан бөлек, жауынгерлік асханада ұрыс даласындағыдай ас беріліп, шара концерттік бағдарламаға ұласты.

Айнұр Ақбаева, тілші:

Сондай-ақ, от пен оқтың ортасында жүріп, кейінгі ұрпаққа бейбіт өмір сыйлаған ардагерлердің ерлігі сөз болды. Жиналғандар есімдері тасқа қашалып жазылған майдангерлердің рухына тағзым етіп, гүл шоқтарын қойды.

Айнұр АҚБАЕВА

Автор

Айнұр Ақбаева

Бөлісу