Алматы жұртшылығы айтулы мерекені қастер тұтады

Алып шаһар жұрты бүгін өткенді еске алып, қазіргі күнге шүкір айтты. Өйткені, 1986 жылғы үлкен бұлғақ ел жадында, жүрегінде, түйсігінде өшпес із қалдырды. Сол кезде мызғымас деген Кеңес билігінің шешіміне қазақ жастары ашық қарсы шықты.

Тәуелсіздіктің іргесін қалап, уығын қадаған шаһардағы шара дәстүрге сай «Желтоқсан оқиғасы» болған орталық алаңнан басталды. Алдымен, қаладағы билік өкілдері мен әртүрлі қоғамдық ұйымдардың мүшелері, желтоқсан оқиғасының қатысушылары «Тәуелсіздік монументіне» гүл қойды. Азаттық жолында құрбан болған есіл ерлерді бір минут үнсіздікпен еске алды.