Ақтауда жыршы-термешілердің кеші өтті

Тәуелсіздік мерекесі қарсаңында Ақтауда «Алтынды орда, ұран-жыр» атты жыршы-термешілердің кеші өтті.
Батыстағы төрт өңірдің өнерпаздары өткенді тірілтіп, өшкенді жаңғыртты. Көрермен Абыл, Нұрым, Ақтан мен Қашағанның толғауларын тыңдап, Қалнияз бен Түменнің өсиетін естіп, Әбубәкір Кердері және Махамбет Өтемісұлының жыр-дастандарына қанықты.
Шараға қатысқан 25 жыршы халық аңсаған азаттық таңы мен оның қадір-қасиетін, ел бірлігін негізгі тақырып етіп алды.