Мемлекет басшысы бас мүфти Серікбай қажы Оразды қабылдады

Ислам негіздерін халыққа дұрыс түсіндіру қажет. Бұл туралы мемлекет басшысы жақында ғана сайланған еліміздің бас мүфтиі Серікбай қажы Оразды қабылдау барысында айтты. Нұрсұлтан Назарбаев алдымен бас мүфтиді лауазымды қызметке тағайындалғанымен құттықтап, кейін дін саласында атқарылуы тиіс мәселелерді талқылады. Президент Дін істері және азаматтық қоғам министрлігі арқылы діни қатынастар саласын реттеуде мемлекет ерекше рөл атқаратынын айтты. «Ведомство дінге қандай да бір шектеу қою үшін құрылған жоқ. Министрліктің мақсаты дін саласында тәртіп орнату»,- деді Нұрсұлтан Назарбаев.