Универсиада кезінде жер-жаһаннан 200-ден аса журналист Алматыдан арнайы хабар таратты

Үкімет басшысы Бақытжан Сағынтаев Алматыдағы 28-ші Қысқы Универсиаданың жабылу салтанатына қатысты. Жастар аламанның дүбірі кернеген Алатау бөктеріндегі әсем шаһар 11 күн бойы дүниенің дидарын өзіне бұрды. Бұл рас. Өйткені, 57 елдің 2 мың 200-ден аса спортшысы қатысқан қысқы ойындардың деңгейі Олимпиада ойындарынан кем түскен жоқ. Жер-жаһаннан 200-ден аса журналист Алматыдан арнайы хабар таратты.