Нұрсұлтан Назарбаев Қарулы Күштерді жаңғырту мәселелері жөнінде кеңес өткізді

Президент Нұрсұлтан Назарбаев осы аптада  Қарулы Күштерді әлі де жаңғырту мәселелері жөнінде кеңес өткізді.  Кеңеске Президенттің көмекшісі – Қауіпсіздік кеңесінің хатшысы Нұрлан Ермекбаев, Қорғаныс министрі Иманғали Тасмағамбетов, Қорғаныс министрінің бірінші орынбасары – Қарулы Күштер Бас штабының бастығы Сәкен  Жасұзақов қатысты.

Қорғаныс саласының жетекшілері Президентке Қазақстан армиясының жауынгерлік дайындығын жетілдіру үшін істеліп жатқан жұмыстар мен жауынгерлік әлеуетті нығайту шаралары туралы баяндады. Қорытындысы бойынша Мемлекет басшысы бірқатар нақты тапсырмалар берді.

Еркін ТАҢАТҚАНҰЛЫ