Астанада 4 мыңға жуық ағаш егіледі (БЕЙНЕБАЯН)

Айналаң айнадай жарқырап тұрғанға не жетсін?! Кеше тұтас Қазақстан сенбілікке шықты. Алтыдағы баладан, алпыстағы қартқа дейін кетпен-күрек ұстап, өз аула-ауылдарының тазалығына атсалысты.

Бұл ретте әрине, елордалықтар өзгелерге өнеге. Кеше көктемгі тазалыққа 100 мыңға жуық қала тұрғыны қатысып, көше-қуысты қоқыстан тазартып, 350 түп ағаш отырғызған. Қала билігі мамырдың 13-не дейін 4 мыңға жуық ағаш екпек.