8 наурыз – гүлдің де жәрмеңкесі (БЕЙНЕБАЯН)

8-наурыз әйелдер мерекесі ғана емес, гүлдің де жәрмеңкесі. Жыл сайын осы күн қарсаңында еліміздегі барлық шаһар гүлге толады. Күніне күллі әлемге миллиондаған гүл сататын Голландиядағыдай ғажайып базар болмайтын шығар, бірақ сұлулық символдары даладан қалаға көшіп келгендей әсер қалдырады.

Мысалы Тараздағы гүлзар мереке басталғалы 300 мың қызғалдақ өсіріп, еліміздің түкпір-түкпіріне жөнелтіпті. Мұндағы жұмысшылардың дені – арулар екен. Олар голландиялық мамандардан кеңес алып, тәжірибе жинап, жылдан жылға өнім көлемін ұлғайтып жатқанға ұқсайды.