Францияда 15 қой мектепке қабылданды

Альпі тауының етегінде орналасқан шағын ауылдың мектебіне оқушылар жетіспейді. Осыны желеу еткен білім ордасының басшылығы бір сыныпты жауып, балғындарды өзге сыныптарға топтастырмақ болған. 35-40 оқушының бір бөлмеде оқуы олардың білім алуына кері әсер етеді деген ата-аналар наразылық шарасын ұйымдастырды. Мектеп басшылығына сападан гөрі сан маңызды екенін ескерген бір қойшы 65 қойын айдап, мектептің ауласына кіргізген. Соте-Мутон, Панург деп аталатын кәдімгі төлқұжаты бар 15 қой мектептегі оқушылар тізімін толықтырып, ресми қабылданды. Бала санын малмен толтырған көпшілік енді сыныпты жаппайды деген үмітте.

Нұрсұлу ҚАСЫМ