Жаңалықтарды Telegram арнамыздан оқыңыз!Бүгін Малайзияның бұрынғы премьер-министрі Наджиб Разақтың ісі бойынша сот басталды. Ол жемқорлықпен айналысып, мемлекеттің миллиардтаған доллар ақшасын жымқырды деп айыпталып отыр.
Тергеушілердің айтуынша, Разақ ел үкіметін басқара отырып, арнайы қор ашып, одан 4,5 миллиард долларды қолды қылған. Сонымен қатар, экс-премьер осы қордың еншілес ұйымынан шамамен 10 миллион долларды жеке шотына аудартыпты.
Дегенмен, ол өзіне тағылған 7 айыптың жетеуін де жоққа шығарып отыр. Егер кінәсі дәлелденсе, Наджиб Разақ өмір бойы бас бостандығынан айырылуы мүмкін.
Жансая ҚАПАСҚЫЗЫ
