Тасқыннан қаза тапқандар саны 56-ға жетті

14.03.2019

Африканың оңтүстік-шығысындағы Малави мемлекетінде су тасқыны болып, 56 адам қаза тапты. Сондай-ақ, 600-ге жуығы жараланған. Қазір зардап шеккен аудандарда жоғалған адамдар іздестіріліп жатыр.

Бір апта бұрын басталған тасқыннан 83 мың тұрғын эвакуацияланды. Қатты жел мен толассыз нөсер өзен арнасын бұзып кеткен. Нәтижесінде елді мекендерді су басып, электр жарығынсыз қалды. Дегенмен, апаттың қаупі әлі де сейілмей тұр.

Себебі, елге тағы Идай деп аталатын тропикалық циклон төніп келеді. Көршілес Мозамбик те табиғат апатынан зардап шегіп отыр. Малави президенті Артур Питер Мутарика елде төтенше жағдай жариялады.

Жансая ҚАПАСҚЫЗЫ

Хабарламаларға жазылу