АҚШ-та дауылдан 22 адам қаза тапты

АҚШ-тың Алабама штатының оңтүстік-шығысында құйынды дауыл соғып, 22 адам қаза тапты. Сондай-ақ, 40-тан астамы жараланып, ауруханаларға жеткізілген. Жергілікті биліктің айтуынша, бірнеше адам табылмай отыр. Сондықтан, қаза болғандар саны әлі де артуы мүмкін. Алапат дауыл ағаштарды құлатып, үйлерді үйіндіге айналдырды. Сонымен қатар, ол көршілес штаттарды да басып өтіп, Ли округінің 10 мыңға жуық тұрғыны электр жарығынсыз қалды.

Құбылмалы ауа райына байланысты бұл штатта ақпанның 23-нен бері төтенше жағдай жарияланған. Онда құтқару жұмыстары әлі жалғасып жатыр.

Жансая АЛЬЧЕМБАЕВА