Жаңалықтарды Telegram арнамыздан оқыңыз!АҚШ-тың солтүстігінде орман өртінен 9 күнде із-түзсіз жоғалғандар саны 1200-ден асты. Құрбан болғандардың саны 76-ға жетті. Әзірге жоғалғандар саны неге тез өскені белгісіз. Жергілікті билік өкілдерінің мәлімдеуінше, тізімдегі кейбір адамдардың есімдері қайталануы мүмкін. Қазір тілсіз жау шарпыған жерлерге жүздеген құтқарушы мен із-түзсіз кеткендерді іздейтін арнайы иттер жұмылдырылды. Соңғы деректерге қарағанда, 12 мың ғимарат пен 26 мың гектар жер өртеніп кеткен. Тілсіз жаудан әсіресе, штаттың солтүстігіндегі Кэмп, Вулси және Парадайс қалалары көп шығынға батып отыр. Таяуда ел президенті Дональд Трамптың өзі Калифорнияға арнайы сапармен барып, зардап шеккендермен кездесіп, мән-жайды біліп қайтты.
Арай ТӨЛЕГЕНҚЫЗЫ
