Жаңалықтарды Telegram арнамыздан оқыңыз!Гаити тұрғындары қоқысты өңдей алмағандықтан, Кариб теңізіне төгіп жатыр. Сондықтан, су жағасы қалдықтар полигонына айналды. Олардың арасында пластик пакеттер, шөлмектер, бір мәрте қолданылатын ыдыстар, тағам салатын контейнерлер өте көп.
Гаити - әлемдегі ең кедей елдердің бірі. Мұнда қоқысты жинап, қайта өңдейтін жүйе әлі қалыптаспаған.
Айта кетсек, 1492 жылы желтоқсанның 5-де бұл жағалауға Христофор Колумб жеткен екен. «Егер Колумб бұл жерді бүгін көрсе, танымай қалар еді», - дейді жергілікті азаматтардың бірі.
Бұл проблема Гаитимен, Кариб теңізімен шектеліп қалмайды. Экологтардың мәліметінше, әлемдік мұхитқа жыл сайын 8 миллион тоннадай пластик тасталады екен.
Арыстан РЫСБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
