Мұнай бағасы 69 доллардан асты

Әлем нарығында мұнайдың «Brent» маркасының құны 69 доллардан асты. Бұл - соңғы үш жылдағы ең жоғары баға. Оған АҚШ-та отын қорының айтарлықтай азаюы себепші. Құрама Штаттардың қоймаларында бұл шикізат көлемі 11,2 млн баррельге кеміген.

«Brent»-пен бірге Нью-Йорк тауар биржасында мұнайдың «Ви-ти-ай» маркасы да қымбаттап, 63,4 доллардан асты.

АҚШ-тың Энергетика министрлігінің болжамынша, биыл көмірсутегінің нарығы жоғары болады.  

Арай ТӨЛЕГЕНҚЫЗЫ